The Blog Single

«Այն Ռանդ Կենտրոն Հայաստան» գիտակրթական հասարակական կազմակերպությունը համագործակցելով ԵՊՀ «Փիլիսոփայության և հոգեբանության» ֆակուլտետի հետ՝ 2025-2026 ամբողջ ուս.տարվա ընթացքում կիրականացնի «Օբյեկտիվիզմը դպրոցականների համար» ծրագիրը։

Ծրագրի կիրականացվի Երևան քաղաքի բոլոր 39 ավագ դպրոցների 10-11-րդ դասարաններում սովորող աշակերտների շրջանում։ Յուրաքանչյուր դպրոցում կլինի երկուական հանդիպում թվով 25-30 հետաքրքրված աշակերտների հետ։

Առաջին հանդիպման շրջանակներում ԵՊՀ «Փիլիսոփայության և հոգեբանության» ֆակուլտետի դասախոսներից մեկը կներկայացնի ֆակուլտետը, «փիլիսոփայություն» մասնագիտության կարևորությունը և ընձեռած հնարավորությունները։ Այնուհետև ARCA-ի թիմը կխոսի Այն Ռանդի և Օբյեկտիվիզմի փիլիսոփայության մասին։ Զրույց-քննարկումները կվերաբերեն Օբյեկտիվիզմի փիլիսոփայության ներածությանը և էթիկային։ Անդրադարձ կկատարվի բարոյագիտական արժեքներին առնչվող հարցերին։

Երկրորդ հանդիպման շրջանակներում աշակերտներին կներկայացվեն օբյեկտիվիստական յոթ առաքինությունները, ակտիվ քննարկման միջոցով վեր կհանվեն այդ առաքինություններին առնչվող հարցերը։ Այնուհետև աշակերտները ներկայացված թեմաներից կընտրեն իրենց էսսեի թեման և նախապես բաժանված ձևաթղթերում կգրեն էսսե։

Էսսեյագրությունը նպատակ ունի զարգացնելու աշակերտների գրավոր խոսքի հմտությունները, նրանց փոխանցելու կառուցվածքային մտածողության հմտություններ՝ սեփական արժեքների,

ձգտումների և դիրքորոշումների ձևավորման հարցում։

Հանդիպման ավարտին մասնակիցները կլրացնեն գնահատման ձևաթուղթ՝ իրենց ֆիդբեքը տալով այս ծրագրին։