10
Nov
Փիլիսոփայության Միջազգային Օր
Ուրախ ենք տեղեկացնելու, որ «Այն Ռանդ Կենտրոն Հայաստան» գիտակրթական հասարակական կազմակերպությունը համագործակցելով Երևանի պետական համալսարանի «Փիլիսոփայության և հոգեբանության» ֆակուլտետի հետ այս տարի ևս իրականացնում է փիլիսոփայության միջազգային օրվան նվիրված միջոցառում։ Այն այս տարի նշվում է նոյեմբերի 20-ին։
Այս միջոցառումը բաղկացած է լինելու թվով 10 կարճ ելույթներից և երկու պանելային քննարկումներից, որոնց թեմաներն են լինելու «Փիլիսոփայություն և կրթություն» և «Ո՞վ է փիլիսոփան»։
Միջոցառման նպատակն է` անդրադառնալ փիլիսոփայության կարևորությանը հայկական կրթական համակարգում, էթիկայի դերին մեր օրերում և հասկանալ փիլիսոփայության դերը մտածող հասարակություն ձևավորելու գործում։ Կներկայացվեն նոր գաղափարներ, կխոսվի երիտասարդների շրջանում փիլիսոփայության և մտածողության խթանման հնարավորությունների մասին։
0 comments